சத்து என்பது பூரணமான பேராதார நிலை (Potential Energy). அதன் எழுச்சி நிலையான அணு முதல் அண்டங்கள் பிண்டங்கள் அனைத்தும் தோற்றம், இயக்கம், மாற்றம் என்ற இயக்கத்தில் உளதால் சித்து எனப்படும். பரிணாமச் சிறப்பின் உச்சமாகிய உணரும், அறியும் நிலையாகிய அறிவு ஆனந்தம் எனப்படும்.
இம்மூன்று நிலைகளை அடைந்தும் ஆதி நிலையாய்க் குறைவு படாமல் பேதப்படாமல் பூரணமாக நிறைந்து எல்லையற்றிருக்கும் அரூப சக்தியைக் கண், காது, மூக்கு, நாக்கு, ஸ்பரிசம் இவற்றில் எதைக்கொண்டும் அறிந்து கொள்ளமுடியாது. ஏனெனில், நாமாக நமது மூலமாக இருக்கும் அந்தச் சக்தி அரூபமாக இருப்பதால், உடலியக்கத்திற்கும், அறிவியக்கத்திற்கும் மூலமான விந்துவின் நிலையை அறிந்து, அவ்விடத்தே அறிவை நிறுத்திப் பழகி வரும் தவத்தால் ஏற்படும் ஓர்மை நிலையில் அறிவே அதுவாகி – ஆதியாகி விடும். இதை யூக உணர்வினால் மட்டும் அறிந்து கொள்ளமுடியாது.
ஆகாயத்தில் நாம் பார்க்கும்போது கண்களுக்குப் புலனாவது வெட்டவெளி அன்று. அது அணுவெளி. அணுக்களின் மீது சூரியன் முதலிய கிரகங்களின் ஒளிக்கதிர் படுவதால் ஏற்படும் பிரதிபலிப்பு ஒளி நமக்குத் தோற்றமாக, வெளிச்சமாகப் புலனாகிறது. சுத்தவெளி இருள். அகண்டம் எனும் நிலையில் அரூபமானது.
*- அருட்தந்தை வேதாத்திரி மகரிசி*
www.vethathiriyam.com
